Гостивар
12 часа кон Русино не помина камион со ѓубре – Блокада прв ден, од пладне до полноќ
Изминаа 12 часа откако гостиварци ја спуштија рампата на патот што води кон Русино. 12 часа нема ново ѓубре на таканаречената депонија. Во текот на денов, пристигнаа два камиони и еден трактор со отпад, но не беа пропуштени, туку вратени назад.
Од граѓанската иницијатива „Стоп Русино, чист воздух за Гостивар“ нагласуваат дека нема да отстапат од своите барања: да запре горењето, да се постават камери и обезбедување и општината да испрати барање до Владата за помош и затворање на Русино. Обидот за преговори на ЈП Комуналец, да се дозволи приод за отпадот од Гостивар, вечерва помина безуспешно. Граѓаните останаа цврсти во ставот – нема носење ѓубре на Русино додека не се исполнат основните услови што се поставени.
Моментално на местото на блокадата има шеесетина граѓани. Голема поддршка даваат жителите на гостиварска Бањица, кои во оваа прилика се потсетуваат дека претходно и самите водеа иста битка против депонирањето отпад на Русино.
Помош и поддршка на граѓанските активисти, во текот на првиот ден од блокадата дадоа фирми и поединци со храна, пијалоци и слично.
На блокадата се внимава да се почитуваат мерките за заштита против корона.
Присутни се полициски службеници, кои го обезбедуваат јавниот ред и мир.
Како придонес плус за чиста животна средина, граѓаните кои учестуваат во блокирањето, направија и еколошка акција и го исчистија околниот простор.
Падна ноќ. Блокадата продолжува. Гостиварци кои остануваат да ја вардат рампата за Русино вечерта горе ќе ја поминат во шатори или во своите авотмобили.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар