Гостивар: Претрчувале преку улица, си добиле казни

Полицијата вчера на тетовско-гостиварското подрачје спроведе уште една од серијата акциски контроли за пешаците. Во период од неколку часа во Гостивар биле фатени 12 пешаци кои не ги почитувале правилата, односно преминувале улици надвор од обележан премин. Тие ќе платат казна и ќе посетуваат час по сообраќајна поука.

Со тетовската контрола вкупно опфатени биле 25 пешаци, при што биле откриени  17 прекршоци. Шест пешаци ги преминувале улиците надвор од обележани премини,  пет не ги почитувале светлосните сообраќајни знаци и наредбите на полициските службеници, исто толку некористеле тротоар, двајца се задржале на коловоз, а еден направил друг вид прекршок. Нивните прекршоци заокружени се со 17 прекршочни платни налози, 14 покани за сообраќајна поука и со 2 писмени опомени.

„Целта на вчерашната акциска контрола е да се придонесе за поголем сообраќаен ред на тетовските и гостиварските улици, со напомена дека глобите за ваквите прекршоци се движат од 25 до 45 евра во денарска противвредност“, соопшти СВР.