40-тина луѓе патувале во автобусот заедно со заболените од корона од Дебар

Потврдени се два нови случаи на коронавирус во Македонија. Се работи за маж и жена од Дебар, на 62 и 68 годишна возраст, кои со автобус на 27 февруари допатувале од Италија, потврдија од Министерството за здравство. По влегувањето на границата, патници од автобусот се симнувале во Куманово, Скопје и Дебар.

„Во соработка со МВР најдени се имињата на сите патници во автобусот кој влегол на 27-ми месецов во земјава. Вечерва и утре во текот на идентификувањето, сите ќе бидат интервјуирани и согласно податоците и состојбата, анализа на контактие, ќе се преземат соодветни мерки. Пациентите, сопружници со соодветен транспорт вечерва ќе бидат пренесени на Инфективната клиника. Нивната состојба е стабилна, и тие имаат лесна клиничка слика.“, изјави на вечерашната прес конференција министерот Венко Филипче.