5.850 вакцини од Фајзер во земјава ќе пристигнат во февруари

Министерството за здравство информираше дека се обезбедени 800 илјади вакцини против коронавирус од производителот Фајзер, а првата пратка ќе пристигне наредниот месец. 

„Првата доза од 5.850 вакцини против Ковид 19 од производителот Фајзер стигнува во февруари, а во директни преговори обезбедивме 800.000 дози за цела 2021. Пратка со поголема количина вакцини ќе дојде во март и април, а динамиката за цела 2021 година дополнително ќе ја утврдиме.“, соопштија од МЗ.

Вакцините од Фајзер се чуваат во фрижидери на -70 степени целзиусови. Според најавите фрижидерите во земјава треба да пристигнат во текот на овој месец.