Занимливости
Директор на болница во БиХ набавил очила за заварување, наместо заштитна медицинска опрема
Директор на болница во Босна и Херцеговина е осуден на 10 месеци затвор бидејќи за време на пандемијата на коронавирус набавил несоодветна заштитна опрема за медицинскиот персонал, купувајќи им очила за заштита од заварување наместо наменети за контакт со заразени пациенти.
Општинскиот суд во Добој го осуди директорот на тамошната болница, Младен Гајиќ на десет месеци затвор, со процена дека тоа е соодветна санкција со оглед на тоа што претходно не бил казнет, а во текот на судењето вратил нешто повеќе од 40 илјади евра за штетата што ја нанел на градскиот буџет. Тој самиот ја призна вината и е осуден за несовесно работење, а делот од обвинението во којшто се товари за корупција, е отфрлен.
Обвинението е покренато откако се покажа дека Гајиќ склучил договор за набавка на заштитна опрема за болницата, како и за домот за стари лица (патем, наречен „Патување за забава“), и покрај тоа што воопшто не била регистрирана за тргување со медицинска опрема. Станува збор за патничка агенција од Бања Лука.
Договорот вредел нешто помалку од 140 илјади конвертибилни марки или околу 70 илјади евра.
Наместо заштитни одела, во болницата биле доставени костими без декларација, а наместо професионални заштитни очила пристигнале очила за заварување. Сѐ тоа е купено по цена под 30 илјади евра.
Уапсен е и директорот на агенцијата, Саша Марковиќ, како и директорот на Институтот за јавно здравје на Република Српска, Бранислав Жељковиќ.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот