Казнети гостиварци кои возеле мотори без кацига и без дозвола

Секторот за внатрешни работи Тетово денеска (18 август) од 10 до 15 часот спроведе уште една од серијата акциски контроли на мотоциклисти, во која вкупно биле откриени и санкционирани 23 прекршоци. Од нив 8 во Тетово и 15 во Гостивар.

„Најголемиот број од прекршоците (19) се однесувале на некористење заштитна опрема (ТЕ-5 и ГВ-14), односно кациги(шлемови), двајца мотоциклисти управувале без положен возачки испит (ТЕ-1 и ГВ-1) и 2 (ТЕ) непоседувале осигурителни полиси.При контролата, исто така, санкционирани се и 5 други видови сообраќајни прекршоци. “, информира полицијата.
Секторот за внатрешни работи Тетово и до крајот на овој и наредниот месец планира засилени контролни активности на мотоциклистите во Полог, чиј број деновиве осетно е зголемен на тетовските и гостиварските улици, но и по околните регионални патишта. До мотоциклистите се апелира задолжително да носат заштитна опрема, да не седнуваат зад волан без возачки дозволи и навреме да ги регистрираат нивните мотоцикли, со што најнпосредно ќе придонесат за сопствената и бзбедноста на другите учесници во сообраќајот.