Услови за невреме доцна попладне и навечер, апел за претпазливост!

Од УХМР известуваат дека во доцните попладневни и вечерните часови локално, на некои места се очекуваат краткотрајни интензивни врнежи од дожд, со услови за локална појава на невреме со грмежи и засилен ветер.

„Најавените врнежи можат да предизвикаат локално зголемување на водостојот на помалите реки и суводолиците, како и да предизвикаат извесни локални проблеми во одредени делови од населените места, доколку просторно таму бидат сконцентрирани најавените поројни врнежи. Предупредуваме за претпазливо движење покрај помалите реки и суводолиците низ земјава, како и во деловите од градските урбани средини каде се можни интензивни врнежи во текот на доцните попладневни и вечерни часови од денот“, извести Центарот за управување со кризи.