Делумна забрана за движење во Националниот парк Маврово

Управата на Националниот парк Маврово воведува забрана за движење на посетители на локалитетите Карбула, Меденица, Говедарник, Голем Брзовец, Мал Брзовец и Ќурков дол. Како информираат од ЈУ Национален парк „Маврово” забраната започнува да важи од денес, а ќе трае до 20.11.2022 година.

„Се забранува движење на посетители во периодот од 21.10.2022 до 20.11.2022 на следниве локалитети на паркот и тоа: Карбула, Меденица, Говедарник, Голем Брзовец, Мал Брзовец и Ќурков дол. Строго заштитени подрачја што значи прво статусот на заштита го ограничува движењето или е потребно е посетителите да имаат посебна дозвола за движење. Во наведениот период Управата на паркот има обврска да спроведе планирани активности според планирани документи, ве молиме да се придржувате кон забраната“, се вели во известувањето на НП Маврово.