Гостивар
Форум за женско претприемништво во Гостивар – Поттик и споделување искуства за повеќе жени бизнис лидерки
Кои се предизвиците со кои се соочуваат жените претприемачи, како да се поттикнат припадничките на понежниот пол да станат бизнис лидерки, какви се можностите за економски успех. Ова беа темите на кои денес се зборуваше на регионалниот Форум за женско претприемништво што се одржа во Гостивар. Настанот го организираше Националната платформа за женско претприемништво, преку локалниот координатор Викторија Рафајловска.
Од Националната платформа истакнаа дека околу 30% од компаниите во земјава се основани од жени и дека тоа се главно мали бизниси.
„Работиме на терен заедно со локалните координаторки да го пренесеме знаењето и поттикот на жените претприемачки на локално ниво, а тоа понатаму ќе се развива преку обуки, поврзување, вмрежување, активности за да стигнеме да ја подобриме ситуацијата на жените претприемачки. Бројот на жени коиштио се основачи на компании е околу 30% од вкупниот број на компании, но обртот и бројот на вработени е многу помал, од 8 до 9 %. Значи сите сме во микро, мал, нано сегмет, и затоа треба да се зајакнеме, за да имаме посилни компании.“, изјави претседателката на платформата Валентина Дисоска.
На отворањето на настанот свое обраќање имаше и градоначалникот на Гостивар, Арбен Таравари кој во оваа прилика ја изрази подготвеноста на локалната самоуправа да го поддржува развојот на женското претприемништво на подрачјето.
Во рамки на Форумот се одржа Панел дискусија на тема „Економски раст, визии и мисии, успешни приказни на жени од полошкиот регион како поттик за идни претприемачки во регионот“, а своја презентација на тема „Трговија со луѓе со цел трудова експлотација“ имаше Jасмина Димитриева, проектен офицер од Канцеларија на Совет на Европа во Скопје.
-
Македонијапред 3 месеци
Денеска е Летник
-
Македонијапред 3 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 5 дена
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Со љубов и почит кон корените – „Танец“ одржа концерт во Гостивар
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Амбасадорите на македонскиот фолклор „Танец“ со концерт во Гостивар
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување