Загрижувачки состојби! Во Гостивар 130 разводи минатата година

Бракот го губи епитетот на „света заедница“, а разводите стануваат се‘ почеста пракса. Податоците од подрачната матична служба покажуваат дека минатата година во регионот  на Гостивар регистрирани се 130 разводи. Со ова се потврдува дека продолжува трендот на висока стапка на распаѓање на браковите. Истото го бележи и Центарот за социјала чии стручни служби работат на полето на семејната проблематика. Нивните искуства зборуваат дека меѓу главните фактори за разводи се поголеми недоразбирања и нетрпение меѓу партнерите, финансиската криза, последици од разни зависности како дрога, алкохол и коцкање итн.

Она што психолозите го нагласуваат како особен проблем е фактот што партнерите не покажуваат воља да комуницираат, да се сослушаат и да се обидат да ги надминат тешкотиите и предизвиците во брачната заедница.

Што се однесува до склучување на бракови, податоците на матичната служба покажуват дека во 2022-ра година имало вкупно 530. Интересно е што 120 од нив се со странски државјани и тоа најчесто на Германија, Швајцарија и Австрија.