Завршницата од кошаркарскиот Куп викендов во СРЦ „Кале“

Кошаркарската федерација на Македонија и годинава ќе биде организатор на завршниот турнир од Купот „Благоја Георгиевски Буштур“ откако никој не се пријавил на повикот за организација.

Осумте најдобри екипи во машка сениорска конкуренција, односно четирите најдобри екипи во женска сениорска конкуренција, викендов, од 16. до 18. февруари, во Скопје, ќе се надигруваат меѓу себе за да стигнат до овој посакуван трофеј.

Завршниот турнир во женска конкуренција, ќе се игра на 17. и на 18. февруари, додека осумте најдобри во машка конкуренција ќе се борат за трофејот во периодот од 16. до 18. февруари.

Бранители на трофеите се екипите на ТФТ од Скопје и кај дамите Баскет Кам 2011 од Македонска Каменица, кои беа најуспешни во минатогодишното издание, кое исто така се одржа во Скопје.

Сите натпревари, и во машка и во женска конкуренции, ќе се играат во салата на СРЦ „Кале“ во Скопје.