Контрола за брзина на возење во Гостивар и Тетово

Полициски службеници на СВР Тетово вчера (9 февруари), од 8 до 22 часот, спровеле акциска контрола за брзина со која се движат возилата на тетовско-гостиварското подрачје. „При контролата откриени и санкционирани се вкупно 7 пречекорувања на максимално дозволената брзина надвор од населено место (ТЕ-5 и ГВ-2). Покрај ова, биле санкционирани и 10 пречекорувања на брзината (ТЕ) во населено место. Во контролата санкционирани се и 57 други видови сообраќајни прекршоци (ТЕ—45 и ГВ-12).“, соопшти полицијата.
Вчера, исто така, на тетовското подрачје спроведена е засилена акциска контрола за престигнување, во која биле санкционирани вкупно 9 прекршоци, а кои се однесувале на неправилно престигнување, како и 8 други видови прекршоци.
Секторот за внатрешни работи Тетово повторно со апел до возачите да ја прилагодат брзината според условите на патот и да се придржуваат на важечките ограничувања на одредени места, особено наутро и навечер, пред се на автопатот и околните регионални патишта.