Ден на македонскиот јазик-5 Мај

Со одлука на Владата донесена во 2019-та година, 5 мај се одбележува како Ден на македонскиот јазик и е празник од работен карактер. На денешен датум во 1945 година, со Решение на Народната влада на Федерална Македонија е усвоена азбуката на македонскиот јазик, а по два месеци Министерството за просвета го озаконило и првиот правопис на македонскиот јазик.

Македонската азбука првпат била отпечатена во весникот „Нова Македонија“  и тоа број 104 со датуми од 4, 5, 6 и 7 мај 1945 година.

Низ историјата македонскиот јазик се запишувал со следните писма:

Глаголица – ранохристијанска азбука; Кирилица – или позната како старомакедонска азбука или црковномакедонска азбука; Илинденска азбука – кирилична поупростена верзија; Македонска преродбеничка азбука – кирилична упростена верзија; Македонска абецедарска азбука – латинична македонска азбука.