Македонско јагнешко на бугарските трпези за Велигден

Околу 200 тони јагнешко месо со потекло од Македонија е увезено во Бугарија пред Велигденските празници. Бугарската Агенцијата за храна соопшти дека квалитетот на македонското јагнешко бил потврден со контрола на земените мостри од секоја пратка. Останатото јагнешко месо било увезено од Хрватска и Нов Зеланд.

Домашната кланичарска индустрија неодамна оцени дека годинава во споредба со лани помал е извозот на македонското јагне на европските пазари и дека за сточарите е ниска цената од околу 200 денари за килограм жива мера, која пак за извозниците и крајните европски купувачи е висока.

Килограм јагнешко низ месарниците во пресрет на велигденските празнувања достигнува цена од 500 до 550 денари.