Почина Тото Котуњо

Италијанскиот пејач, музичар и текстописец Тото Кутуњо почина денес на осумдесет годишна возраст, јавуваат италијанските медиуми.

Кутињо, чие родено име беше Салваторе, почина во миланската болница Сан Рафаеле.

Веста за италијанската агенција Ansa ја потврди неговиот менаџер Данило Манкузо, кој објасни дека „состојбата на пејачот се влошила по долго боледување во последните месеци“.

Кутуњо беше победник на бројни натпревари и фестивали низ Италија, а незаборавен ќе остане по победата на Евровизија во 1990 година во Загреб со песната „Insieme“, за која ги напиша музиката и текстот.

На познатиот фестивал во Санремо учествувал 13 пати, првпат во 1976 година, со бендот „Албатрос“, кога го освоил третото место.

Самостојната кариера ја започна во 1978 година. Го освои Санремо во 1980 година со песната „Соло нои“, а шест пати го зазема второто место.