Ќе ве стопли и воодушеви-Есенска крем супа

Есента е време кога имаме изобилство на овошје и зеленчук со специфичен вкус, кои може да се користат за најразновидни јадења. Ние ви предлагаме да си подготвите крем супа на база на карфиол, еден од омилените есенски зеленчуци.

Состојки:

-еден карфиол со помала големина, или половина доколку е поголем

-грст прокељ

-2 компири

-половина главица кромид

-2 лажици неутрална павлака

-малку путер

-2 лажици масло од тиква

-1 лажица маслиново масло

-сол, црн бибер

Подготовка:

Најпрво карфиолот и прокељот, исчистете ги и исечете ги на мали парчиња. Излупете ги компирите и исечете ги на парчиња. На малку маслиново масло пропржете го кромидот, па додајте ги карфиолот, компирот и прокељот. Потоа постепено додавајте вода, околу еден литар. Кога ќе зоврие, оставете ја супата да се готви на умерен оган околу 10 минути или додека зеленчукот не омекне.

Кога сите состојки ќе омекнат изблендирајте ги. Потоа измешајте со путерот, неутралната павлака и зачините. Се‘ добро измешајте, и на крај прелијте со масло од тиква.