Нелегални танчерки фатени и во локал во гостиварско Равен

По неколкуте претходни акции низ локали во регионот на Гостивар, полицијата синоќа спровела уште една. Како што соопшти МВР, во периодот од 2 часот и 30 минути до 3 часот, полициски службеници од Полициската станица Гостивар извршиле акциска контрола во угостителски објект во гостиварско Равен, сопственост на Ј.А. од Гостивар.

За време на контролата во објектот биле затекнати две странски државјанки и пет државјанки на Република Македонија како ги забавуваат гостите. Сите лица биле приведени во полициска станица, а В.Д. (21) од Република Албанија и М.Р. (27) од Република Србија, поради злоупотреба на туристичкиот престој, биле задржани во полициска станица за понатамошна постапка, информира МВР.