УЈП Гостивар денес ќе прима даночни пријави до 18 часот

Управата за јавни приходи денес го продолжи работното време на даночните канцеларии со оглед на тоа што истекува рокот за поднесување на годишните даночни пријави.

Даночното одделение во Гостивар ќе прима пријави до 18 часот.

„Продолженото работно време е со цел граѓаните да можат да ги запазат законските рокови за исполнување на нивната обврска за пријавување на приходите“, соопштија од УЈП потсетувајќи дека за неподнесување на даночна пријава и за нецелосно пријавени приходи, законот предвидува глоба која се движи од 100 до 200 евра, во денарска противвредност.

До вчера во регионалната дирекција на УЈП Тетово, во која спаѓа и одделението во Гостивар биле поднесени 51.498 даночни пријави.