Светски ден на семејните лекари

Денешниот датум 19 мај како Светски ден на семејниот лекар за прв пат бил прославен во 2010 година од страна на WONCA(Светско здружение на семејните лекари). Целта е да се истакне  придонесот на семејните лекари во здравствените системи во целиот свет и да им се оддаде признание за централната улога што ја имаат во давањето на лична, сеопфатна и континуирана грижа на сите свои пациенти.

„Семејните-општи лекари-лидери на патот до подобро здравје“ е мотото под кое во Македонија ќе се одбележи овој ден во организација на Здружението на лекари по општа медицина. Активностите се во насока на промоција на здрави навики и рано откривање на болести.