Кражба во стан на улица Панче Поповски

Четириесет и шестгодишник од гостиварско Чегране, ноќеска околу полноќ пријавил тешка кражба која била извршена во неговиот стан на улица „Панче Поповски“ во Гостивар.

Засега непознати сторители го искористеле отсуството на домашните, на неутврден начин, најверојатно користејќи клуч-калауз, влегле во станот, целосно ги пребарале сите простории и од паричник во регалот одзеле 700 евра во разни апоени. Покрај тоа, од под облеката во регалот, а каде биле сокриени, одзеле уште 3500 евра, додека од комода во дневната соба одзеле и неколку парчиња разновиден златен накит, противправно стекнувајќи се со вкупна имотна корист која се проценува на 450.000 денари.

Извршен е увид и се превземаат мерки и активности за расветлување на пријавеното и за откривање на сторителите на кражбата.