Ве изненадија гости? Подгответе им чоколадна торта додека се вари кафето

Никој не може да остане рамнодушен на парче чоколадна торта. Особено ако се прави лесно и брзо, тоа е вистинскиот десерт за секое време. Ако ве изненадиле гости, а немате ништо благо да ги почестите, овој рецепт за кремаста чоколадна торта може да ве спаси. Едностави состојки и подготовка за 5 до 10 минути.

состојки за тесто:

2 јајца
12 лажици шеќер
12 лажици брашно
12 лажици масло
12 лажици какао
малку рум, цимет и кесичка прашок за пециво

за прелив ви треба:

200 мл слатка павлака
100 гр. млечна чоколада
малку мелени ореви

Подготовка:Јајцата добро се матат, по што постепено им се додаваат сите останати состојки за тестото. Изматената смеса се става во ватростален сад. Печете во микровална подесена на најјако, 5 минути.

Стоплете ја слатката павлака на оган и во неа растопете го чоколадото. Кога тортата од микровална ќе биде готова, оставете малку да се излади па нанесете го преливот и наросете со мелени ореви.