Како се прави овој неодолив традиционален турски десерт?

Љубителите на благото несомнено ќе ги израдува една порција од овој традиционален турски десерт со име Мухалебија (Мухалеби). Подготовката е лесна и брза, а поголемиот дел од вас ги имаат сите потребни состојки во кујна, па не мора да трчате до продавница.

Состојки:

100 гр. путер

5-6 лажици гриз

1 шолја шеќер

1 кесе ванилин шеќер

1 литар млеко

околу 30 грама кокосово брашно

Подготовка: На умерена температура растопете го путерот, па додадете го гризот и мешајте 2-3 минути. Потоа додавајте го млекото мешајќи цело време. Следуваат шеќерот и ванилиниот шеќер, по што смесата се вари додека не згусне. На крај се додава и кокосовото брашно, и се вари уште 3-4 минути.

Вака подготвениот десерт се става во стаклени садови и кога ќе се излади може да се украси по желба со кокос, ореви или цимет.

Во помодерните верзии, на основниот рецепт му се додава рендано чоколадо, мармалад и слично.