Можност за парични награди на ученици и ментори со меѓународен успех на натпревари по математика и природни науки

Министерството за образование и наука на Република Македонија објави јавен повик за доделување на парични награда за освоено прво, второ или трето место на меѓународен натпревар од областа на математиката и природните науки, за ученици од основно образование и нивните ментори. Наградите се во износ од 50% од просечната нето плата исплатена по работник во последниот месец пред доделувањето за освоено прво место, 40% за освоено второ место и 30% за освоено трето место.

„Под меѓународен натпревар се подразбира натпревар на кој учествуваат ученици од најмалку десет различни држави и притоа се споредуваат знаењата помеѓу учениците од различните држави и се рангираат нивните постигнувања.“, се наведува во повикот.

Пријавите може да се доставуваат секој работен ден до Министерството за образование и наука, а краен рок е 31 август 2018-та година.

Повеќе детали околу условите и пријавувањето може да прочитате на веб страната на МОН