Неколку начини за грижа за вашата тетоважа

Без оглед на тоа дали имате мала тетоважа или вашето тело е покриено со цело уметничко дело, важна е редовната грижа и одржувањето на тетовираните делови од вашето тело. Водете се по ова упатство за нега за потполно за да ја заштитите вашата тетоважа.

Негувајте ја тетоважата

“Како што е важна негата на рани исто така важна е и негата за тетоважата, особено веднаш по тетовирањето. Користете Bepahten на секои 3 часа две недели по тетовирањето”, советува тату-уметникот Ри Харис.

Воздржете се од чешање

“Додека закрепнувате непосредно по тетовирањето, чувствувате чешање. Воздржете се од тоа бидејќи влијае на квалитетот на бојата на тетоважата. Дајте се од себе да не ја триете и чешате тетоважата и чешањето ќе помине само од себе”, објаснува сопственикот на Рокалили Катс, кој се наоѓа во Лондон.

Најголемиот непријател на тетоважите

Предрасудите на вашата мајка не се најголемиот непријател на вашата тетоважа туку тоа е сончевата светлина. Изложувањето на сонце придонесува вашата тетоважа да почне да бледнее, па така секогаш користете крем за заштита од сонце. Тетоважата ќе ви остане со години на вашето тело затоа грижејте се за неа.

Хидратирајте го тетовираниот дел од вашето тело

Драстичните промени во телесната тежина може да доведат до промена на вашата тетоважа. Промените на телото кај повеќето луѓе не влијаат на изгледот на тетоважата, но сепак кожата треба да биде соодветно хидрирана. Исто така избегнувајте ги диетите со јо-јо ефект бидејќи покачувањето и смалувањето на телесната тежина секако ќе влијае на вашата тетоважа.

Добро размислете за отстранување на тетоважата

Не сте задоволни со изгледот на вашата тетоважа или пак е стара и ви здосади? Сепак добро размислете пред да го направите чекорот за отстранување.

“Кога ќе ја отстраните тетоважата вашата кожа ќе добие сосема нов изглед. Отстранувањето на тетоважата ќе биде уште потешко ако е стара и бледа. Затоа добро размислете за можноста да ја освежите старата тетоважа со некои нови симболи”, предлага Ри Харис.