За гурмани авантуристи – Торта од домати, ореви и чоколада

Доматите владеат на трпезата во салати, но оние кои сакаат да експериментираат во кујната можат да ги вметнат и во десертите. Еден таков креативен и храбар рецепт е тортата со сос од домати, ореви и чоколада. Доколку сте подготвени за поинакво слатко доживување, ова е вистинската торта за вас.

Состојки за тесто:

12 лажици шеќер
12 лажици масло
12 лажици сос од домати (претходно сварен и изладен)
1 лажиче сода бикарбона
меко брашно по потреба

Состојки за фил:

250 грама мелени ореви
350 грама шеќер
половина литар вода
80 грама бело чоколадо
5 лажици брашно

Подготовка:

Се замесува тесто од шеќерот, маслото, сосот од домат, содата и брашно по потреба. Добиеното тесто се пече. Откако е готово се сече на три кори.

За филот, 350 грама шеќер и половина литар вода се ставаат да зовријат. Во посебен сад, се раствораат 5 лажици брашно со малку вода, а потоа тоа се истура во врелиот шеќер. На крај се додаваат 250 грама мелени ореви и белото чоколадо. Сето тоа треба добро да се соедини, по што се филува тортата.