Зошто треба да јадете рукола? Особено оние кои имаат проблеми со видот…

Прво што паѓа на памет кога ќе се спомне руколата е нејзиниот горчлив вкус. Навистина не може да ја јаде секој, но заради многуте бенефити врз здравјето, треба да се потрудиме да ја внесеме во нашето мени на исхрана. Се` е до навиките кои ги создаваме.

Руколата е богата со витамини и минерали, има високи хранливи, диететски и лековити својства. Таа е богат извор на калциум, магнезиум, железо, калиум, фосфор, витамин А, витамин К, витамин С, фолна и пантотенска киселина. Претставува витинска енегретска бомба за организмот. Содржи големи количества бетакаротен, лутеин и зеаксантин, кои се исклучително важни за очите и видот.  Покрај тоа што содржи бројни хранливи состојки, руколата содржи и различни биолошки активни состојки, чии антиоксидативни својства имаат позитивен ефект врз здравјето на човекот и го намалуваат ризикот од многу заболувања.

Салати од рукола можат да се направат во најразлични варијанти. Одлично оди во комбинација со краставици, морков и лукче. Друга комбинација се прави со домат и кромид. Може да се додаде и во зелка салата. За оние кои го сакаат горкиот и јак ароматизиран вкус, може да си направат чиста салата од рукола и да ја искомбинираат и со некој прелив.