Какво време не очекува оваа работна недела во Гостивар?

Во текот на работната недела која следува во Гостивар и регионот не очекува променливо време со благ пад на утринските температури.

Денес во утринските часови минималната температурата достигна до 13 степени, а максималната температура во текот на денот ќе достигне до 25 степени. Ќе биде умерено сончево, со повремени наоблачувања.

Слично време не очекува и во вторник со нешто повисоки температури, максималната температура ќе биде 28 степени.

Во среда не очекува пад на утринските температури, времето ќе биде претежно сончево. Во попладневните часови можни се услови за локални врнежи од дожд. Температурите ќе се движат од 11 до 25 степени.

Во четврток, метеролозите прогнозираат умерено облачно време со повремени сончеви периоди. Минималната температура ќе достигне 15, а максималната 28 степени.

Кон крајот на работната недела, во петок температурите ќе достигнат и 30 степени, не очекува сончево време.