Тетовка пријавила силување – насилно ја внесол во кола, ја нападнал и ја оставил кај роднини во Гостивар

Дваесет и шестгодишна тетовка вчеравечер околу 23 часот и 40 минути пријавила силување од 26-годишниот Ш.И од Тетово, со кој имала вонбрачно дете и со кого не живеела веќе шест години.

Според податоците од СВР Тетово, лицето дошло во нејзиниот стан, насилно ја внесло во возило по што се упатиле кон Гостивар. „Патем застанале на паркинг и се заканувал и повеќе пати ја удирал, по што насилно извршил полово дејствие и со возилото ја однесол кај нејзини блиски во Гостивар. Нешто подоцна, таа со такси се вратила и го пријавила случајот во Полициската станица Тетово, а пријавениот е повикан за расветлување на сите поединости поврзани со овој случај.“, соопшти полицијата