Оптимистичка прва половина од годината за Гостивар: Повеќе бебиња – помалку починати

Во Гостивар годинава се раѓаат повеќе бебиња, споредено со лани. Статистиката која се однесува на  првите шест месеци од 2018, покажува дека наталитетот во гостиварскиот регион, бележи благ пораст. Бројот на починати (морталитет), пак значително опаднал.

Според податоците од Државниот завод за статистика, во првата половина од оваа година во општина Гостивар има 346 новороденчиња, што е петнаесетина повеќе од истиот период претходната година. Бројот на починати е 279 и е помал од лани за 79. Првите шест месеци од 2018-та носат позитивен природен прираст за Гостивар (повеќе новородени од умрени лица), за разлика од 2017, кога на подрачјето имаше негативен природен прираст.

Во општина Врапчиште од јануари заклучно со јуни, се родиле 109 бебиња, а починале 103 лица, додека во Маврово Ростуше има 30 новороденчиња и 34 починати.