Здравје и убавина
Зимско и летно сметање на времето. Дали е навистина потребно?
Следниот викенд во недела, на 29 октомври, стрелките треба да се вратат еден час назад, односно од 03:00 на 2:00 часот.
Преминувањето на летно и зимско време првпат е забележано во 1916 година во земјите на северна Европа, а досега воведено е во околу 70 земји, главно на северната хемисфера. Поместувањето на времето во поголемиот дел случаи се извршува ноќта меѓу сабота и недела за да не предизвика поголеми проблеми за луѓето кои одат на работа.
Но дали зимското сметање на времето има негативно влијание врз нашето здравје?
Враќањето на часовникот еден час наназад, односно воведувањето на зимското сметање на времето е лошо за здравјето, доведува до губиток на енергијата и ја зголемува загаденоста. Со оваа промена, исто така, се краде еден час светлина од попладнето, при што доаѓа до зголемена потрошувачка на енергијата за осветлување (недостиг на природна светлина) и се ограничуваат човечките активности надвор од домот (шетање, занимавање со спорт и слично). Сето тоа му штети на здравјето, а негативно влијае и на природната средина.
Научниците пресметале дека кога не би поминувале на зимското сметање на времето, би уживале во 300 дополнителни часови дневна светлина годишно. Тоа би ги направило луѓето порасположени, поенергични и помалку болешливи, какви што се во текот на подолгите сончеви летни денови.
Истражувањата покажуваат дека срцевите удари се зголемуваат за пет отсто во првите три недели по поместувањето на сметањето на времето, како резултат на скратување на сонот. Поместувањето на времето доведува токму до ова. Затоа бидете внимателни!
Од друга страна дополнителен проблем за организмот е тоа што поместувањето на сметањето на времето се случува наесен кога се менува и климата, еден од главните виновници што луѓето се депресивни, сонливи, изморни, што чувствуваат ревматски болки и други здравствени проблеми. Голем дел од тегобите, како што се зголемениот крвен притисок, мозочните удари и инфарктите се поврзани со промената и на воздушниот притисок кој е поврзан со временските промени.
Русија целосно го укина зимското сметање на времето во 2011 година, Турција од оваа година престанува со зимско сметање на времето.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ