Повторно казнети превозници – Ќе се стави ли ред во јавниот превоз на патници во Гостивар?

Во последната акциска контрола за техничка исправност на автобуси и други возила кои вршат јавен превоз на патници во гостиварско, казнети биле шест возачи.

Според податоците од полицијата, со контролата вкупно биле опфатени триесетина возила, претежно автобуси и комбиња кои сообраќаат од и кон околните села во чегранскиот и неготинскиот регион. Од нив, четири биле со неисправни сопирачки, едно со истечена регистрација и едно со неизвршен технички преглед.

На шестемина возачи-прекршители изготвени им биле прекршочни платни налози, додека пет возила веднаш биле исклучени од сообраќај и согласно Законот за возила, ќе им следуваат глоби од 120 до 400 евра во денарска противвредност, зависно од видот и карактерот на констатираните недостатоци.

Акција имало и во тетовско каде биле опфатени 50-те возила, од кои шест биле исклучени од сообраќај поради техничка неисправност на сопирачките.