Вести
Деноноќно предновогодишно журкање во Гостивар (со задолжителни фотографии на Инстаграм и Фејсбук)
Овој период од годинава слободно може да се нарече „сезона на журкање“. Кафеаните, пицериите, рестораните, кафулињата низ Гостивар и околината се полни со гости, како преку ден, така и во вечерните часови. Угостителите ги збогатуваат своите понуди со цел да привлечат што поголем број гости, нудат празнично мени, ангажираат музичари за свирка во „живо“. Уморни од секојдневните обврски, поголем дел од граѓаните сакаат да ја заокружат годината со забава и дружење, да се опуштат и да заборават на грижите.
Се создаде традиција вработените во фирми, организации, институции да се соберат на предновогодишно дружење. Освен забавите „од работа“, последните години дружби си организираат цели соседства, или другари и другарки од детството, па бивши колеги итн. Освен тоа, овој период од годината доаѓаат и роднините од странските држави, што е уште еден повод за уште една заедничка забава.
Предновогодишните журки удираат по џебот на граѓаните, но во име на забавата, сите се подготвени да го издржат „ударот“. Нема штедење. Особено кај припадничките на женскиот пол кои се подновуваат со ново парче облека, прават фризури и професионална шминка. Целта не е само да се биде убав на самата забава, туку и на сликите со кои фејсбук и инстаграм се преплавени деновиве. Овој помалку нејасен феномен, зазема се поголем замав, ако забавата не е овековечена (повеќе пати) и фотогорафиите не се објавени на скоро сите социјални мрежи (исто така повеќе пати) најверојатно не се важи уживањето. Со се јадење и пиење, лесно може да се потрошат и по неколку илјади денари за само една вечер.
До дочекот на Новата година останува уште малку време, кое според искуствата од претходно гостиварци максимално ќе го посветат на добра забава и создавање на убави спомени, за повеќе оптимизам и среќа во 2019-та.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!