Привршува зимскиот распуст – Од понеделник учениците се враќаат на настава

Викендот што е пред нас е последниот од тринеделниот зимски распуст за учениците. Од понеделник тие се враќаат во училишните клупи и започнува второто полугодие од учебната 2018/2019 година. На училиште ќе се оди до 10-ти јуни, кога ќе заврши оваа учебна година и ќе стартува летниот распуст.

Учениците за време на зимскиот распуст овојпат имаа среќа да му се израдуваат на снегот и на зимските игри. Сега пред нив се нови предизвици, лекции за учење и обврски околу домашните задачи.

Во основните и средни училишта на подрачјето на Гостивар, каде на настава се враќаат над 10 илјади ученици, течат последните  подготовки за почеток на второто полугодие. Албанските смени се на училиште прва смена, додека македонските во попладневната смена.