Повреден 17 годишен моторциклист во несреќа на патот Гостивар-Чегране

Седумнаесет годишно момче завршило со повреди во сообраќајна несреќа, која се случила вчеравечер околу 20 часот и 45 минути, на крстосница на регионалниот пат Гостивар-Чегране.

Според информациите од СВР Тетово, во несреќата учествувале: патничко возило „Форд транзит“ со гостиварски регистарски таблици, управувано од 42-годишниот чегранец И.М. и мотоцикл со тетовски таблици, што го управувал 17-годишник од ова гостиварско село, а на кое се наоѓал уште еден 17-годишник и негов соселанец.

Повредениот моторциклист со друго возило бил пренесен во гостиварската Општа болница „Ферид Мурад“ за укажување на лекарска помош.

Полиицјата извести дека е извршен увид и се утврдува причината за  несреќата, околностите во кои се случила и друго.