Македонија
Безбедност на храна: Еден од 10 луѓе фаќаат болест од јадење загадена храна
„Во Македонија се јаде безбедна храна, а тоа се покажува и низ бројки. Ако во светот вкупно 600 милиони луѓе се погодени со интоксикација од храна, односно во просек заболува еден на десет луѓе, во Македонија ако ја земеме бројката од минатата година се пријавени девет случаи, меѓутоа само во пет е потврден причинителот на труење со храна, а погодени се 173 луѓе во тие инциденти.“, изјави Зоран Атанасов, директор на Агенцијата за храна и ветеринарство на тркалезна маса која се организираше по повод Светскиот ден на безбедна храна, 7 јуни.
Инспекторите во првите пет месеци од оваа година извршиле се околу 50 илјади контроли за безбедност на храната во земјава и поднеле две кривични пријави против оператори што го загрозиле здравјето на луѓето со пуштање во промет незбезбедна храна.
Безбедната храна е од клучно значење за промоција на здравјето и елиминација на гладта, наведуваат од Институтот за јавно здравје. „Нема доволно сигурна храна без безбедност на храната Во овој свет каде синџирот на храна станува се посложен, секој негативен инцидент во безбедноста на храната може да има глобални негативни ефекти врз јавното здравје, трговијата и економијата. Болестите поврзани со небезбедна храна се најчесто предизвикани од бактерии, вируси, паразити или хемиски супстанции кои ги внесуваме преку контаминирана храна или вода. 600 милиони луѓе или 1 од 10 луѓе во светот се разболуваат заради консумaција на контаминирана храна и 420 000 умираат секоја година. При тоа децата до 5-години возраст учествуваат со 40 % во оптоварувањето со болестите поврзани со небезбедна храна или 125 000 смртни случаи секоја година.“, стои во нивното соопштение.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ