Општински натпревар по прва помош во Гостивар – медицинарите најдобри

Во Гостивар се одржа 36-тиот општински натпревар по прва помош, на кој учествуваа седум екипи од гостиварските средни училишта. Настанот традиционално го организираше Општинската организација на Црвениот крст.

Средношколците ги покажаа своите знаења и вештини за справување во случај на итна потреба од помош на повредени и болни лица, а беа оценувани од страна на лекари судии.

„Како најуспешни на натпреварот се покажаа учениците од средното медицинско училиште, чии екипи го освоија првото и второто место. Третото и` припадна на екипата од Општинско средно техничко училиште. Екипите кои беа најдобри на општинскиот натпревар го закитија својот успех со пехари.“, информираат од Црвениот крст додавајќи дека ваквите натпревари се една од програмските активности на организацијата преку кои се гради натпреварувачки дух кај младите и едукација како да се снаоѓаат во ситуации кога е потребно да се пружи помош на повредени и болни лица.

Од Општинската организација упатија благодарност до Монтенегро маркетите за соработката и  младите волонтери кои беа дел од овој настан.