Гостиварка добивала закани од бившиот сопруг, полицијата му поднесе кривична

Надворешната канцеларија за криминалистички работи Гостивар поднесе кривична пријава против 41 годишен државјанин на Република Турција, со престој во земјава, поради постоење основи на сомнение за сторени кривични дела ,,загрозување на сигурноста“ при семејно насилство и ,,злоупотреба на лични податоци“.

МВР соопшти дека 30 јануари 2019 година, пријавениот упатил закани по животот кон неговата малолетна ќерка и неговата поранешна сопруга на возраст од 27 години од Гостивар. По ова, на социјалната мрежа „Facebook“, на кориснички профил на бившата сопруга, пријавениот објавил нејзина фотографија и текст со компромитирачка содржина.