ЛЕАР вработува 70 лица – Во понеделник презентација на деталите во Гостивар

Американската компанија ,,Леар Корпорејшн “ во понеделник на (24.06.2019) во просториите на салата на Советот на Општина Гостивар, од 14:00 часот ќе одржи презентација на која ќе бидат претставени деталите во врска со отворениот Јавен повик за нови 70 работни места во компанијата, за оператори на машини за шиење.

Настанот е отворен за сите заинтересирани кои сакаат да бидат дел од оваа компанија.

,,Леар Корпорејшн “ е водечки глобален застапник за навлаки за седишта за автомобили и електрични дистрибутивни системи. Ги опслужува сите поголеми производители на автомобили во светот, а нивните  производи се застапени во повеќе од 350 видови на возила. Производите на ,,Леар Корпорејшн “ кои се од светска класа се дизајнирани, проектирани и произведени од стручен тим кој брои околу 170.000 вработени, распределени во 36 земји.

Фабриката на ,,Леар Корпорејшн“ во Македонија е лоцирана во ТИРЗ Тетово на површина од  12.000 квадратни метри со инвестиција вредна над €15 милиони. Располага со врвна машинерија, производни капацитети (за сечење кожа и платно), магацин и канцелариски простории.

(комерцијална објава)