Продолжен притворот за Боки 13 и Зоран Милевски

Двајцата осомничени во“Рекет“, Бојан Јовановски-Боки 13 и Зоран Милески-Кичеец добија нови 30 дена притвор.

„Кривичниот совет при Основниот кривичен суд – Скопје постапувајќи по предлог на Основното јавно обвинителство за гонење организиран криминал и корупција за продолжување на мерката притвор за Б.Ј. и З.М. опфатени во предметот во медиумите познат како „Рекет“, по разгледување и ценење на фактите и доказите донесе решенија со кои го прифати предлогот и ја продолжи мерката притвор за нови 30 дена.“, соопшти Кривичниот суд.

Боки 13 и Кичеец се сомничат за кривичното дело Примање награда за противзаконито влијание за сума од 1,5 милиони евра.  Боки 13 е осомничен и за кривичното дело Перење пари – претходно земените пари од кривичното дело ги пуштил во оптек како легално стекнати пари и со нив си купувал предмети, облека и уплаќал одмори.