Гостиварецот Меџити и тетовецот Беќири со заедничка изложба во Берлин

Вечерва во галеријата „Прима Центар“ во  Берлин, Германија ќе биде отворена заедничка изложба на уметниците Башким Меџити и Илирјан Беќири под наслов „Traces of cultural”. Се работи за уметнички слики, концептуално различни, но споени во компактна целина, која комуницира преку хармонијата од лирски експресии, композицијата и колоритот.

Изложбата се реализира со поддршка на Министерството за култура, а ќе биде отворена до 11 септември.

Башким Меџити е академски сликар од Гостивар, кој зад себе има бројни самостојни и групни изложби во земјава и во странство. Илирјан Беќири е академски сликар од Тетово, кој исто така има богата кариера како уметник. Двајцата се професори на Факултетот за ликовни уметности на Универзитетот во Тетово.

Претходно имаат реализирано заеднички проекти и изложби во земјава, соседните држави како и во Франција и САД.