Контрола: Половина од автобусите и комбињата во Гостивар неисправни

Денеска (30 август) во периодот од 8 до 13 часот, во Гостивар и Тетово била спроведена акциска контрола за техничка исправност на возилата кои вршат јавен превоз, автобуси и комбиња.

Податоците кои ги соопшти СВР Тетово од контролата се поразителни. Од 33 контролирани возила на гостиварското поодрачје, 15 биле технички неисправни: 10 со неисправни сопирачки, 3 со неизвршен преглед и 2 со некомплетна опрема. Неисправните возила биле исклучени се од сообраќај, а изготвени се и соодветни поднесоци.

Со контролата реализирана на тетовското подрачје вкупно биле опфатени 85 возила, од кои кај 14 откриена е техничка неисправност. Единаесет од возилата имале неисправни сопирачки и веднаш биле исклучени од сообраќај, додека 3 биле со неизвршен технички преглед.

При контролата биле откриени и 20-тина други видови сообраќајни прекршоци.