Едно лице почина на клиника по сообраќајка на патот Маврови Анови-Дебар

Седумдесет и четиригодишен скопјанец починал на клиниките во Скопје, откако бил учесник во сообраќајна несреќа на патот Маврови Анови-Дебар.

Според информациите СВР Тетово, несреќата се случила во 9 часот и 15 минути, а во неа учествувале голф со скопска регистрација, што го управувал 74-годишниот С.Р. од Скопје и мерцедес со тетовски ознаки, што го возел 72-годишниот Л.Р. од тетовско Горно Палчиште.

С.Р. се здобил со телесни повреди, бил пренесен во гостиварската болница, а потоа префрлен на клиниката во Тетово, кадешто околу 13.15 часот починал.

Екипа на СВР Тетово извршила увид. Од таму апелираат на зголемена внимателност на возачите коишто се движат по патиштата по долината на Радика, поради зголемениот ризик од појава на одрони. Им се препорачува да ја прилагодат брзината и да ги почитуваат правилата и прописите.

Gostivarpress.mk веќе информираше за две несреќи во тој регион, од која едната за жал завршила со жртва.