Македонија
Расте бројот на инфицирани со бактерии коишто се отпорни на антибиотици
По повод Светската недела за рационална употреба на антибиотици, лекарите предупредуваат на зголемен број на заболени од инфекции предизвикани од бактерии отпорни на антибиотици.
„Oтпорноста на бактериите кон антибиотиците е растечка закана за глобалното здравје. Секоја година 700 илјади лица во светот умираат од инфекции предизвикани од бактерии отпорни на антибиотици. Само во Европа околу 33 илјади лица умираат од оваа инфекција, а проблемот не ја надминува ниту нашата држава. Тоа значи дека не сме во зелената фаза, туку влеговме во портокаловата фаза на картата на Европа, како држава во која се зголемува бројот на заболени од инфекција“, изјави Голубинка Бошевска, национален координатор за антимикробна резистенција.
Според податоците од Институтот за јавно здравје, во 2018 година е евидентирана повисока од 50 % комбинирана резистенција на некои бактерии кон повеќе видови антибиотици.
Владата минатиот месец ја усвои втората Национална стратегија со акциски план за контрола на антимикробната резистенција 2019-2023. Стратешките цели опфаќаат зајакнување на следењето на резистенцијата на микроорганизмите кон антимикробните средства во хуманата и ветеринарната медицина, континуирано следење на потрошувачката на антимикробни лекови во хуманата и ветеринарната медицина, спречување и намалување на појава и контрола на ширењето на инфекции, подигнување на свесноста и разбирањето на антимикробната резистенција кај сите лица кои ги пропишуваат, издаваат и примаат антибиотиците, како и соработка со релевантни меѓународни институции од областа.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ