Православните верници го слават празникот Пречиста Богородица

На денешен датум, православната црква го одбележува празникот Воведение во Храмот на Пресвета Богородица, познат и како Пречиста Богородица, еден од дванаесетте големи празници за православните христијани.

Пресвета Богородица била претставена во Ерусалимскиот Храм како мало тригодишно девојче.  Во нејзина придружба биле повикани девојчиња кои носеле свеќи во рацете, давајќи му посебно значење на самиот настан. Богородица се искачила по скалите, свечено пречекана од свештениците во храмот, предводени од Захарија, таткото на свети Јован Крстител, и била воведена во најсветиот дел од Храмот – Светињата на светиите. Таму живеела девет години, додека не била предадена на нејзиниот роднина, свети Јосиф, за да биде испочитуван Законот.

Денешниот празник Воведение на Пресвета Богородица се смета за женски празник и повеќе го празнуваат младите жени, особено оние што уште немаат деца.