Гостивар наредната година со буџет од 1 милијарда и 98 милиони денари

Општина Гостивар за 2017-та година има проектиран буџет од 1 милијарда 98 милиони 684 илјади денари. Најважниот финансиски документ на локалната самоуправа беше усвоен од Советот на општината на денешната седница, последна за годинава.

Општинската каса најмногу ќе се полни од трансфери и дотации кои во вкупните приходи учествуваат со 64%. По нив следуваат средствата од даноци со 20,9% во кои влегуваат данок на имот, данок на доход и други.

Што се однесува до расходите, 52,3% отпаѓаат на плати и надоместоци, а за капитални инвестици се предвидени 23,5% од вкупниот буџет.

Во расходите предвидени се и пари за трошоци наменети за локалните избори кои ќе се одржат наредната година и тоа во висина од 5,7 милиони денари.

Споредено со 2016-та, буџетот на општина Гостивар за наредната година е зголемен за над 5 милиони денари.