Искршиле блиндирана врата од стан и украле пари и накит

Блиндираните врати не ги спречуваат крадците. Последната пријавена кражба во Гостивар се случила токму во стан со сигурносна влезна врата.

Триесет и четиригодишен гостиварец вчера пријавил дека во периодот помеѓу 12 и 14 часот, засега непознати сторители извршиле тешка кражба во неговиот стан на улица „Илинденска“ во Гостивар. По насилното отворање на двокрилната блиндер-врата, влегле внатре и од спалната одзеле 2500 евра, а од украсна кутија одзеле 7 парчиња разновиден златен накит во вредност од околу 280 илјади денари.

Од полицијата соопштуваат дека бил извршен увид и се преземаат мерки и за расчистување на сите поединости и откривање на сторителите.