ГАКУД „Браќа Ѓиноски“ утре ќе одржи годишен концерт

Градското аматерско културно уметничкото друштво „Браќа Ѓиноски“ ќе ја заокружи 2019-та со голем завршен годишен концерт, којшто ќе се одржи во петок (20 декември), во Центарот за култура АСНОМ во Гостивар.

Фолклорната секција ќе ги изведе сплетовите на ора и песни Беранче и Тресеница, додека најмалите членови на друштвото ќе се претстават со сплетот Водарки.

На концертот солистички настапи ќе имаат пејачите Перо Пандилоски и Славко Зафировски.

Од ГАКУД „Браќа Ѓиноски“ ги покануваат гостиварци да бидат дел од настанот, потсетувајќи дека следната година друштвото одбележува значаен јубилеј, 70 години постоење како единствено културно-уметничко друштво во Гостивар што ги негува македонската традиција и фолклор.

Концертот во петок почнува во 11.30 часот.