Чоко-торта за врвно слатко задоволство!

Овој рецепт дефинитивно треба да го пробате. Чоко-торта која се топи во устата и ќе го задоволи вкусот и на најпребирливите. За подготовка не е потребен некој посебен марифет, а ќе биде готова за помалку од еден час.

Состојки:

150 грама брашно

140 грама шеќер

400 грама чоколада

100 грама путер

150 грама мелени ореви

4 јајца

половина кесична прашок за пециво

2 чаши засладен чај од камилица

За прелив од чоколада: истопете 100 грама чоколада во растително масло

Подготовка: Најпрво измешајте ги јајцата и шеќерот, додадете го брашното и прашокот за пециво и мешајте додека смесата убаво не се соедини. Путерот и чоколадата растопете ги на пареа, а потоа додајте ги во мешавината на јајца, шеќер и брашно, промешајте и додадете ги оревите, па повторно мешајте додека не се соедини. Калапот за торта премачкајте го со путер и посипете со брашно. Ставете ја мешавината за торта во претходно загреана рерна. Треба да се пече 25 до 30 минути на 190 степени. Кога ќе се излади, прелијте ја со ладен чај од камилица и прелив од чоколада.