УЈП распродава автомобили, камиони, ниви, козметика…

Управата за јавни приходи објави оглас за продажба на запленета роба од даночни обврзници. На електронските јавни аукции/слободни комерцијални продажби ќе се продаваат автомобили, камиони, разни машини, ниви, како и козметички производи, компјутери, фрижидери, средства за хигиена и друго.

Со почетна цена од околу 1.700 евра се продава Фиат линеа од 2008 година, форд фокус од 2002 година и рено клио од 2003, имаат почетна цена од 1.400 евра, потоа булдожер со цена од 5.600 евра итн.

За стварите кои се предмет на електронска јавна аукција, може да учествуваат лица кои успешно се регистрирале и претходно уплатиле депозит во висина од 10% од утврдената вредност на движните/недвижните ствари, најдоцна до 23.01.2020 година.

За стварите кои се предмет на слободна комерцијална продажба сите заинтересирани лица треба да достават понуди на порталот во делот кој се однесува на слободна комерцијална продажба објавен од надлежната Регионална дирекција/Центар за складирање и впаричување на движни ствари и тие  се продаваат по системот видено-купено.

Целата листа може да ја погледнете ТУКА