Во Гостивар за вадење на крстот за Водици пријавени се 30-тина момчиња

Се` е подготвено за одбележување на големиот христијански празник Водици-Бојогавление во Гостивар, што се празнува утре – 19 јануари.

Во соборната црква „Успение на Пресвета Богородица” ќе биде отслужена света литургија, по што во 10 часот ќе започне свечената церемонија, а околу 11 часот од пред храмот ќе тргне литијата. Чинот на осветувањето и положувањето на светиот крст во водите на Вардар се очекува да го изврши, Митрополитот тетовско-гостиварски, господин Јосиф. За вадење на светиот крст во Гостивар пријавени се 30-тина момчиња.

Иницијативниот одбор за прослава на Водици ги поканува сите христијански верници да бидат дел од манифестацијата, за да придонесат во зачувување на традицијата и повеличенствено одбележување.

Во гостиварско, традицијата на масовно славење на Водици со големо внимание и почит, се негува низ селата.